टोखा टाइम्स
टोखा टाइम्स, काठमाडौँ । टोखा-२ मा आधारभुत स्वस्थ्य केन्द्र सञ्चालनमा आएको छ । सोमबारबाट टोखा-२ मा आधारभूत स्वास्थ्य केन्द्र सञ्चालनमा आएको हो ।
टोखा नगरपालिका २ वडाका अध्यक्ष धर्मेन्द्र श्रेष्ठले स्वास्थ्य केन्द्रको उद्घाटन गरेसँगै आधारभूत स्वास्थ्य केन्द्र सञ्चालनमा आएको हो ।
टोखा-२ को गलय हिटिसँगै रहेको शार्वजनिक शैचालय भवनमा स्थापना भएको आधारभूत स्वास्थ्य केन्द्रको टोखा -२ वडाका वडाध्यक्ष धर्मेन्द्र श्रेष्ठले उद्घाटन गरेका थिए ।
स्वास्थ्य केन्द्र उद्घाटन कार्यक्रममा वडाध्यक्ष श्रेष्ठले सरकारी स्वास्थ्य संस्थाबाट पाईने निःशुल्क औषधि उपचारको लाभलिन वडाबासिलाई अनुरोध गर्दै सरकारी स्वास्थ्य संस्थाबाट पनि गुणस्तरीय सेवा पाइन्छ भन्नेमा विश्वस्त रहन आग्रह गरे ।
आधारभूत स्वास्थ्य केन्द्रमा सामान्य उपचार, परिवार नियोजन, पोषण तथा एकीकृत बालरोग व्यवस्थापन, गर्भवती जाँच तथा सुत्केरी जाँच, कोभिड खोपलगायतका सेवाहरु उपलब्ध छन् । केन्द्रमा पारामेडिक्सको नेतृत्वमा स्वास्थ्यकर्मीहरु कार्यरत छन् ।
हरेक वडामा कम्तिमा एउटा सरकारी स्वास्थ्य संस्था पुर्याउने नीतिअनुसार टोखामा स्वास्थ्य चौकी नभएका वडाहरुमा आधारभूत स्वास्थ्य केन्द्र स्थापनाको काम तीव्रताको साथ अघि बढेको हो ।
