टोखा टाइम्स
काठमाडौँ । दुर्गा प्रसाईँका समर्थकले प्रहरीमाथि ढुंगामुडा हानेपछि बल्खुमा प्रहरीसँग झडप भएको छ । प्रशासनले दिएको भन्दा भिन्न स्थानतिर प्रसाईँको जुलुस जान थालेपछि प्रहरीले रोक्न खोज्दा झडप भएको हो ।
प्रसाईँका समर्थकहरु बल्खुमा चक्रपथमा प्रदर्शन गरिरहेकाहरु प्रहरी घेरा तोडेर कालिमाटीतर्फ जान खोजे तर प्रहरीले रोकेको थियो । प्रदर्शनकारीहरुले प्रहरीमाथि नै ढुंगामुडा हानेपछि झडप सुरु भएको थियो । प्रहरीले आन्दोलनकारीमाथि पानीको फोहरा समेत प्रहार गरेको छ ।
स्थिति नियन्त्रण लिन प्रहरीले प्रदर्शनकारीमाथि अश्रुग्यास प्रहार गरेको छ । उनीहरुलाई प्रहरीले बल्खुमा नै रोकेको छ । कालिमाटीतर्फ अघि बढेको आन्दोलनकारीको गाडीलाई प्रहरीले रोकेको छ ।
