सुविन्द्र श्रेष्ठ
टोखा टाइम्स, ३१ श्रावण २०८१
रक्तदान जीवन दान
Posted by Tokha Times on Friday, August 16, 2024
टोखा स्थिति विष्णाप बचत तथा ऋण सहकारी संस्था लिमिटेडले बृहत् रक्तदान गर्ने भएको छ । आफ्नो १२ औं स्थापना दिवसको अवसरमा वृहत् रक्तदान कार्यक्रम आयोजना गर्न लागेको हो ।
संस्थाको सामाजिक उत्तर दायित्व अन्तर्गतको रक्तदान कार्यक्रमको आयोजना गर्न लागेको संस्थाका प्रवन्धक श्यामकृष्ण डंगोलले बताए । उनले रक्तदान कार्यक्रममा सहभागी भई रक्तदान गरी कार्यक्रमलाई सफल पार्न सेयर सदस्य, बचतकर्ता सुभेच्छुक तथा टोखावासीहरूलाई अनुरोध गरे ।
रक्तदान कार्यक्रम आगामी भाद्र ५ गते बुधवार रोपाइँ जात्राका दिन विहान ९ बजेदेखि सरस्वती चौरमा हुनेछ । संस्थाले आफ्नो स्थापना दिवसको अवसर पारी प्रत्यक वर्ष रोपाइँ जात्राका दिन रक्तदान कार्यक्रमको आयोजना गर्दै आइरहेको छ ।
