सुविन्द्र श्रेष्ठ
टोखा टाइम्स, टोखा । टोखा नगरपालिका २ स्थित गलेमा ‘पार्क’ बन्ने भएको छ । सोमबार एक विशेष समारोहमा प्रमुख अतिथि काठमाडौं उपत्यका विकास प्राधिकरणकी प्रमुख जानुका ढकाल, टोखा नगरप्रमुख प्रकाश अधिकारी, टोखा नगरपालिका २ का वडाध्यक्ष धर्मेन्द्र श्रेष्ठ तथा जनप्रतिनिधिहरू, संघ–संस्थाका पदाधिकारी, तथा स्थानिय राजनीतिक दलका प्रतिनिधिहरूको उपस्थितिमा गले पार्क शिलान्यास कार्यक्रम सम्पन्न गरिएको हो।
काठमाडौं उपत्यका विकास प्राधिकरणको बजेटमार्फत ७ करोड ९५ लाख रुपैयाँको लागतमा गले पार्क निर्माण कार्य सुरु गरेको हो। यो बजेट २ र ६ वडाको संयुक्त साझेदारीमा विनियोजन गरिएको छ।
पार्कमा पोखरी, स्तम्भ, चाकु स्तम्भ, बालमैत्री पार्क, जेष्ठ नागरिकमैत्री पार्क, पैदल मार्ग लगायतका संरचना निर्माण गरिने छ । काठमाडौं उपत्यका विकास प्राधिकरणले आगामी १४ महिनाभित्र निर्माण सम्पन्न गर्ने लक्ष्यसहित काम अगाडि बढाएको छ।
