टोखा टाइम्स
टोखा टाइम्स, काठमाडौं (२०, असोज २०८०) । टोखा नगरपालिका वडा नं – ३ कार्यालयको प्रांगणमा शनिवार एक दिने निःशुल्क स्वास्थ्य शिविर आयोजना गरिएको छ । सो स्वास्थ्य शिविर मोडेल हस्पिटल,लायन्स कल्ब अफ काठमाण्डौं ३२५ एस, टोखा साहित्य दबु र वसला वचत तथा ऋण सहकारीको सहकार्यमा भएको थियो ।
शिविरमा करिब ४ सय जनाले स्वास्थ्य परीक्षण गराउनुको साथै निःशुल्क औषधी वितरण गरिएको थियो । स्वास्थ्य शिविरमा युरोलोजिस्ट मोडेल अस्पतालका डा. अमित मणि उपाध्यायका ३२ जना टोळीले स्वास्थ्य परीक्षण गरेका थिए । शिविरमा स्तन क्यान्सर, पाठेघर मुखको क्यान्सर, ब्लड प्रेसर, मधुमेह, र क्यानसर सम्बन्धी बढी बिरामीहरुको जाँच तथा उपचार गरेका थिए ।
जनतालाई घरघरमै निःशुल्क स्वास्थ्य सेवा पुर्याउने उद्धेश्यले यो अभियान सुरु गरिएको टोखा साहित्य दबुका अध्यक्ष बाबुलाल डंगोलले बताए ।
जनताको स्वास्थ्य प्रमुख विषय भएकाले टोखामा नै निःशुल्क स्वास्थ्य शिविर आयोजना गरिएको अधिवक्ता जनकराज श्रेष्ठले बताए ।
गाउँमा सडक, खानेपानी, शिक्षा, कृषि क्षेत्रमा धेरै काम गरेको तर स्वास्थ्य क्षेत्र पनि महत्वपूर्ण भएकाले वडामै चिकित्सकहरु ल्याएर स्वास्थ्य जाँच गरिएको लायन्स क्लबका चीफ मणिराम लामिछानेको भनाइ छ ।
टोखा क्षेत्रका धेरै जनतालाई स्वास्थ्य सेवा पुर्याउनको लागि स्थानीय युवाहरुमा गजराज श्रेष्ठ , हरिभक्त डंगोल, लक्ष्मण डंगोल र प्रतिक डंगोल, अधिक लागि परेका थिए ।
