सुविन्द्र श्रेष्ठ
टोखा टाइम्स, २३ चैत्र, काठमाडौं । भक्तपुर क्यान्सर अस्पतालको आयोजनामा महिलाहरूको पाठेघर तथा स्तन क्यान्सर स्क्रिनिङ्ग नि:शुल्क स्वास्थ्य परीक्षण शिविर हुने भएको छ ।
टोखा-२ पुखुसी स्थित मिर्मिरे भवनमा रहेको मिमिरे बचत तथा ऋण सहकारी संस्था लिमिटेडको कार्यालयमा २०८२ बैशाख ६ गते बिहान ७:०० बजे हुने शिविरमा सहभागीहुन यहि २०८१ चैत्र ३० गतेसम्ममा नाम दर्ता गर्नु पर्ने आयोजकले जनाएको छ । साथै स्वास्थ्य सचेतना तथा सतर्कता कार्यक्रम चैत २९ गते शुक्रबार दिउँसो ४ बजे मिमिरे भवनमा हुनेछ ।
बाल विकास क्लब, मिमिरे बचत तथा ऋण सहकारी संस्था लि., गणेश इङ्गलिश सेकेण्डरी स्कुल, जनज्योति पुस्तकालय र नेपाल भाषा साहित्य त:मुँज्या टोखाको सह-आयोजनामा उक्त स्वास्थ्य शिविर सञ्चालन हुने लागेको हो ।
शिविर सम्बन्धि ९८५११०५४७५, ९८५११९५९८२ नम्वरमा सम्पर्क गरि थप जानकारी लिन सकिनेछ ।
