सुविन्द्र श्रेष्ठ
टोखा टाइम्स, २७ असार । नेकपा (एमाले) टोखा- २ वडा कमिटीले माध्यमिक शिक्षा परीक्षा (एसईई) २०८१ मा टोखा नगरपालिका-२ वडामा बसोबास गरी विभिन्न विद्यालयहरुबाट उत्तीर्ण भएका विद्यार्थीहरूलाई सम्मान गरिने भएको छ ।
भोलि शनिबार (असार २८ गते) टोखा २ वडा कमिटीको आयोजनामा नेपाल युवा संघ टोखाको व्यवस्थापनमा तलेजु परिसरमा बिहान ७ बजेदेखि शुरू हुने नेकपा (एमाले) टोखा- २ वडा कमिटीका अध्यक्ष राजकाजी डंगोलले बताए ।
टोखा-२ वडामा बसोबास गरी यस बर्ष विभिन्न विद्यालयहरुबाट एसईई उत्तीर्ण भएका विद्यार्थी भाईबहिनीहरूलाई सम्मान कार्यक्रममा उपस्थित भई कार्यक्रम सफल पार्न नेकपा (एमाले) टोखा-२ वडाका सदस्य कमरेडहरु, शुभचिन्तकहरू कार्यक्रममा उपस्थित हुन नेकपा (एमाले) टोखा-२ वडा कमिटीका अध्यक्ष राजकाजी डंगोलले निमन्त्रणा गरे ।
टोखा- २ वडामा मा बसोबास गर्ने विद्यार्थी भाईबहिनीहरु कोही छुटेको छ भने कमिटीका सचिव सुशील श्रेष्ठ (9841877504) र कमिटी सदस्य सञ्जय डंगोल (984-3684234) लाई सम्पर्क गरी नाम टिपाउन सकिने आयोजकले जनाएको छ ।
