टोखा टाइम्स
टोखा टाइम्स, काठमाडौं । एसिया रग्बीको आयोजना तथा नेपाल रग्बी संघको व्यवस्थापनमा यही भदौ २ र ३ गते हुने एसिया रग्बी यू-२० सभेन्स प्रतियोगिताका लागि शुक्रबार नेपाली टिमको घोषणा गरेको छ ।
संघले शुक्रबार पत्रकार सम्मेलनमा पुरूषतर्फ टोखाका रोहन डंगोलको कप्तानमा नेपाली राष्ट्रिय टिमको घोषणा गरेको हो ।
प्रतियोगितामा एसियाका ७ राष्ट्र नेपालसहित भारत, थाइल्याण्ड, मलेसिया, चाइनिज ताइपेई, हङकङ र उज्वेकिस्तानको सहभागिता हुनेछ । जसमा पुरुषतर्फ सहभागि सातवटै राष्ट्रले प्रतिस्पर्धा गर्नेछन् भने महिलातर्फ नेपालसहित थाइल्याण्ड, हङकङ र मलेसियाको सहभागिता हुनेछ ।
उद्घाटन खेलमा पुरुषतर्फ नेपाल र भारत भिड्ने छन् । उक्त खेल शनिबार बिहान १० बजे त्रिपुरेश्वरस्थित दशरथ रंगशालमा सुरु हुनेछ ।
नेपाली रग्बी इतिहासमा नेपालमा आयोजना हुन लागेको यो दोस्रो अन्तर्राष्ट्रिय प्रतियोगिता हो ।
