टोखा टाइम्स
टोखा टाइम्स, ४ माघ । टोखा नगरपालिकाले नगर गान बनाउने भएको छ । नगरपालिकाले बुधबार एक सूचना जारी गर्दै नगर गान बनाउने जनाएको हो ।
सूचना अनुसार नगरपालिकाको ऐतिहासिक, सांस्कृतिक, धार्मिक, सामाजिक, आर्थिक, राजनैतिक लगायतका विशिष्टता र मौलिकता झल्कने गरी नगर गान बनाउन लागेको जनाएको छ । नगरपालिकाको अनुसार सो विशेषतालाई झल्कने नगर गान बनाउनका लागि अनुरोध गरिएको छ ।
४० देखि ६० शब्दको प्रयोग गरी नेपाली भाषामा सहज ढंगले बोध हुने खालको नगर गान बनाउन सकिने नगरपालिकाले जनाएको छ । नगर गान रचना गरी माघ १५ गते सम्ममा दिनभित्र नगरपालिकाको इमेल ठेगाना ([email protected]) मा पठाउन तथा कार्यालयमा सिलवन्दी खाम पेश गर्न सक्ने पालिकाले जनाएको छ ।
रचना भएकामध्ये उत्कृष्ट गानलाई नगरपालिकाले उचित पुरसकार सहित सम्मान गरिने प्नमुख प्रशासकीय अधिकृत शेरबहादुर बि.सी.ले बताए । उत्कृष्ट गानलाई नगरपालिकाले प्रयोगमा ल्याउने उनले बताए ।
