सुविन्द्र श्रेष्ठ
टोखा टाइम्स, कार्तिक २४ । नाक्छु शहर, तिब्बत स्वशासित क्षेत्र, चिनबाट प्रमुख सहितको ६ सदस्यीय टोली टोखा आइपुगेको छ ।
टोखा नगरपालिका र नाक्छु शहरसँग भगिनी सम्बन्धपछि त्यहाका प्रमुखको नेतृत्वमा ६ सदस्यीय टोली औपचारिक भ्रमणमा टोखा आएको हो । उनीहरुलाई टोखा नगरपालिकाका प्रमुख प्रकाश अधिकारी, उपप्रमुख मुरारी तामाङ र प्रमुख प्रशासकीय अधिकृत शेर बहादुर बीसीले त्रिभुवन अन्तरराष्ट्रिय विमानस्थलमा स्वागत गर्नुभएको छ ।
टोखाको औपचारिक भ्रमणमा आएको टोलीलाई भोलि आइतबार संस्कृति संरक्षित क्षेत्र टोखामा नागरिक अभिनन्दन गर्ने कार्यक्रम रहेको छ । बिहान ७:४५ बजे टोखा मूल प्रवेशद्वारबाट साँस्कृतिक झाँकीसहित शुरू भई थनेलाछीमा नागरिक अभिनन्दन कार्यक्रम हुनेछ ।
