सुविन्द्र श्रेष्ठ
टोखा टाइम्स, कार्तिक २५ : मित्र राष्ट्र चिनको तिब्बत स्वशासित क्षेत्र नाक्छु नगरका प्रमुख तासी दोर्जी सहितको प्रतिनिधि मण्डललाई टोखामा स्वागत सहित नागरिक अभिनन्दन गरेको छ । टोखा नगरपालिकाले आज भव्य आैपचारिक कार्यक्रमको आयोजना गरि प्रमुख दोर्जीलाई अभिनन्दन गरेको हो ।
https://fb.watch/vN8YDiYLxf/?mibextid=Nif5oz
टोखा नगरपालिका र नाक्छु शहरबीच अन्तर्राष्ट्रिय भगिनी सम्बन्धपछि टोखाका प्रमुख प्रकाश अधिकारीको निमन्त्रणामा नाक्छु नगरका प्रमुख तासी दोर्जी नेतृत्वमा ६ सदस्यीय प्रतिनिधि मण्डल औपचारिक भ्रमणमा टोखा आएको हो ।
टोखाको औपचारिक भ्रमणमा आएका टोलीलाई नगर प्रमुख प्रकाश अधिकारी लगाएत जनप्रतिनिधि र टोखाका स्थानीयले नेवारी सांस्कृतिक बाजागाजा सहित संस्कृति संरक्षित क्षेत्र टोखाको परिक्रमा गरिएको थियो । भने, नगरिक्रमा पश्चात् थनेलाछीमा आयोजित कार्यक्रममा टोखाका प्रमुख प्रकाश अधिकारीले नाक्छुका प्रमुख तासी दोर्जीलाई नागरिक अभिनन्दन गरिएको हो ।
टोखा नगरपालिका र तिब्बतको नाक्छु नगर विच भागिनी सम्बन्ध स्थापित भई दुवै नगर वीच सहकार्य हुदै आएको छ।
