टोखा टाइम्स
टोखा टाइम्स । नेपाली भाषामा सिरियल अर्थात धारावाहिकको लहर चलिरहेको बेलामा अब नेपाल भाषामा पनि नयाँ धारावाहिक आउँने भएको छ । लामो समय देखि लघुचलचित्र, बिज्ञापन, म्युजिक भिडियो निर्माणमा आफ्नो फरक पहिचान निखार्दै आइरहेको मगन इन्टरटेन्मेन्टको ब्यानरमा नेपाल भाषाको सिरियल अर्थात धारावाहिक “लिधंसा – द सपोर्ट” निर्माण हुन लागेको हो ।
मगन इन्टरटेन्मेन्टका निर्देशक रजिन महर्जनको लेखन तथा निर्देशनमा निर्माण भइरहेको यो धारावाहिकको एक टिजर सार्वजनिक गर्दै सो सिरियल मगन इन्टरटेन्मेन्टकै यूट्युब च्यानलबाट प्रशारण हुने जानकारी गराइएको छ । पारिवारिक सामाजिक बिधामा बन्ने लिधंसामा लक्ष्मीकुमार महर्जन, सरिता शिल्पकार, सुरेन्द्र महर्जन, राजेन्द्र महर्जन, सुधा महर्जन, रमेश माली, देबेन्द्र महर्जन लगायत कलाकारहरुको भूमिका र पात्र रहनेछ ।
टिजरमा समाबेश गरिएको लिधंसा धारावाहिकको टाइटल गीतको शब्द निर्देशक महर्जनले लेखेका हुन भने चर्चित गायिका रत्न शोभा महर्जन तथा सतिश महर्जनको स्वर रहेको छ ।
