सुविन्द्र श्रेष्ठ
टोखा टाइम्स, २९ पुस । टोखा नगरपालिका वडा नं ६ मा रहेको द व्हाइट माउन्टेन स्कुलमा ५ दिने खेल सप्ताह सम्पन्न भएको छ ।
पुर्व मन्त्री तथा प्रतिनिधि सभा सदस्य माननीय दिलेन्द्र प्रसाद बडुको प्रमुख आतिथ्य, टोखा नगरपालिका- ६ की वडाध्यक्ष्य शान्ता पौडेलको विशेष आतिथ्य रहेको उक्त कार्यक्रम विद्यालयका संस्थापक तथा प्रधानाध्यापक तिलक शर्मा पौडेलको सभापतित्वमा सम्पन्न भएको थियो ।
पुस महिनाको २१ गतेदेखि २५ गतेसम्म विविध खेल प्रतियोगिता संचालन भएको थियो । खेल कार्यक्रमबाट विद्यार्थीहरुमा नेतृत्व बिकास क्षमता वृद्धि हुनुका साथै विभिन्न खेलका शिपहरुको जानकारी प्राप्त गरे। बिजेता खेलाडीहरुलाई पदक तथा प्रमाणपत्र प्रदान गरिएको थियो ।
